د ترکیې حکومت وايي، په ابوظبي کې د خپل سفارت تړلو او له عربي متحده اماراتو سره د خپلو دیپلوماتیکو اړیکو ځنډولو ارزونه کوي.
د دغه هېواد رسنۍ خبر ورکوي چې جمهور رییس رجب طیب اردوغان د بهرنیو چارو وزیر ته امر کړی چې له ابوظبي سره خپلې اړیکې وځنډوي او یا خپل سفیر بېرته راوغواړي.
د ترکیېې بهرنیو چارو وزارت هم د اماراتو دغه پرېکړه غندلې او په وینا یې امارات غواړي د منځني ختیځ اصلي موضوع چې د فلسطین مسئله ده له ایران سره پر مقابله بدله کړي.
بل لور ته د ایران بهرنیو چارو وزارت له اسرائیل سره د محتده عربي اماراتو سیاسي اړیکو ټینګولو پرېکړه ‘د شرم وړ او خطرناکه ‘ بللې ده.
د امریکا جمهور رییس ډونلډ ټرمپ تېره ورځ اعلان وکړ چې متحده عربي اماراتو او اسرائیل د خپلمنځي اړیکو د نورمالولو هوکړه کړې ده.
د اسرائیلو لومړي وزیر بنیامین نتنیاهو او د ابوظبي د شهزاده محمد بن زاید په یوه ګډه اعلامیه کې تېر ماښام وویل، تمه لري چې دا تاریخي پرمختګ به په منځني ختیځ کې د سولې سبب شي.
په دې اعلامیه کې راغلي، د دې تړون له کبله به اسرائیل په ختیځه تړانګه کې د فلسطین د خاورې قبضه کول بند کړي
کلید ګروپ په ټویټر او فیسبوک کې وګورئ
