ads

ملي امنیت شورا: ښایي پاتې طالب بندیان په دوو ورځو کې ازاد شي

د ۴۰۰ طالب بنديانو د خوشي کولو په تړاو د سولې مشورتي لویې جرګې تر پرېکړې او د جمهور رییس له فرمان وروسته د ملي امنيت شورا وايي، د يادو ۴۰۰ طالب بنديانو د خوشي کولو د دوسيو له بشپړېدو وروسته به د دغو بنديانو د خوشي کولو بهير رسنيز شي.

منصور یوسفزی
22 زمری 1399
ملي امنیت شورا: ښایي پاتې طالب بندیان په دوو ورځو کې ازاد شي

د ملي امنيت شورا د مشاوريت دفتر د اړيکو مسوول حشمت ناطق وايي، ياد ۴۰۰ طالب بنديان تر اوسه نه‌دي خوشي شوي، ښايي په راتلوونکو دوو ورځو کې خوشي شي.
په ورته مهال، د بين‌الافغاني مذاکراتو لپاره د حکومت مرکچي پلاوی وايي، د حکومت او طالبانو ترمنځ به مخامخ مذاکرات راتلونکې اوونۍ پيل شي.
د مرکچي پلاوي غړي وايي، د بين‌الافغاني مذاکراتو د پيلېدو په موخه به په يوې يا دوو قطر ته ولاړ شي.
د مرکچي پلاوي غړی غلام فاروق مجروح وايي، د بين‌الافغاني مذاکراتو لپاره اجنډا مشخصه شوې.
بل لور ته د سياسي چارو شنوونکي بيا وايي، د سولې په مذاکراتو کې بايد اروبند ته لومړيتوب ورکړل شي او د اساسي مورد په توګه مطرح شي.
د سياسي چارو شنوونکی سيد ناصر موسوي وايي، د جګړې دوام او د سولې پروسې د افغان حکومت دريځ کمزوری کړی او خلک یې د دې پروسې پر وړاندې بې‌باوره کړي.
د سياسي چارو يو شمېر نور شنوونکي بیا په بين‌الافغاني مذاکراتو کې د رسنيو د استازو نشت اټکل ته اندېښمن دي او زياتوي، حکومت بايد په دغو مذاکراتو کې د رسنيو ګډون ته زمينه برابره کړي.
د سياسي چارو شنوونکی صادق دانش وايي، حکومت بايد د رسنيو يوه ډله د سولې مذاکراتو په ځای کې ځای پر ځای کړي او حکومت او مرکچي پلاوی بايد شېبه په شېبه مالومات له دوی سره شريک کړي.
ټاکل شوې وه چې د حکومت او طالبانو ترمنځ به مخامخ مذاکرات د جولای مياشتې په نيمایي کې پيل شي، خو د ۴۰۰ طالب بنديانو پر سر د حکومت او طالبانو اختلاف هغه څه و چې دا مذاکرات یې ځنډولي وو.

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA