دغه لاریون کوونکي تېره ورځ د یاد هېواد د بهرنیو چارو وزارت ته هم ننوتي وو.
د سرچینې په وینا، لاریونونه په تاوتریخوالي اوښتي، پولیسو پر لاریون کوونکو اوښکې بهوونکي ګاز کارولي او په لسګونه کسان پکې ټپیان شوي دي چې ۵۵ تنه یې روغتونونو ته وړل شوي دي.
دا لاریونوال پر حکومت نیوکه کوي چې ولې د یادې پېښې په مخنیوي کې پاتې راغی.
دوی تر هغه وروسته دا لاریونونه پیل کړي چې د تېرې سه شنبې په ورځ د لبنان په مرکز بېروت کې د درنې چاودنې له کبله ۱۵۴ تنه ووژل شول او تر پنځه زره ډېر نور ټپیان شول.
