د ایسایس توپان چې سخت باد او جاکړ ورسره ملی دی، پرون د یکشنبې په ورځ، د فلوریډا ایالت ختیځو برخو ته نږدې شوی.
د امریکا رسنۍ خبر ورکوي چې د یکشنبې ورځ د ایسایس په نوم زورو توپان پیل شوی چې تر دامهاله د فلوریډا ایالت ختیځو برخو ته نږدې شوی.
دوی وایي چې د توپان چټکوالی په ساعت کې شاوخوا ۷۲کیلو متره اټکل شوی او د امریکا د توپان ملي ادرې بیا خبر ورکوي چې نن سهار توپان چټکوالی یو څه کم شوی دی.
سرچېنه زیاتوي چې اوس د ویسټ پام د ساحل د جنوبې ختیځې خوانه شمال لویدیځې خوا ته یې مخه کړې ده چې د باد چټکوالی په ساعت کې ان تر ۱۰۰کیلو متره رسیږي.
د امریکا د هوا پېژندنې اداره وایي چې دا توپان ښایي څو ورځې دوام پیدا کړي او ممکن چې د فلوریډا ایالت نه وروسته د سې شنبې په ورځ د جورجیا ایالت د سواحلو نه تېر شي او د امریکا هغه ایالتونه به وځپي چې د اتلانتیک بجر په منځنۍ څنډه کې پراته دي.
کلید ګروپ په ټویټر او فیسبوک کې وګورئ
