د افغانستان د بهرنیو چارو وزارت وایي چې د ډیورنډ پر فرضي کرښه د پاکستاني پوځیانو د وروستیو بریدونو د څرنګوالي او د ورته پېښو د تکرار د مخنیوي لپاره اړتیا ده چې د دواړو هېوادونو ترمنځ ناسته برابره شي ترڅو د ورته پېښو مخنیوی وشي.
دغه وزات پرون د یوې اعلامیې په خپرولو سره د پاکستاني پوځیانو لهځوا د زمري د ۹مې نېټې راکټي بریدونو په تړاو ژوره اندېښنه ښودلې ده او یاد بریدونه یې غندلي دي.
په هغو بریدونو کې د ځایي چارواکو په خبره ۱۶ افغان ملکيان وژل شوي او ۸۰ نور ټپیان دي.
سرچېنه زیاتوي چې ډیپلوماتیکې حل لارې د دې ډول پېښو د مخنیوي لپاره اغېزمنې تمامېدای شي.
د یادونې وړ ده چې تر اوسه د یادې غونډې ځای او وخت په اړه څه نه دي ویل شوي.
کلید ګروپ په ټویټر او فیسبوک کې وګورئ
