طالبان وايي، که افغان حکومت د دوی پاتې بندیان تر لوی اختره خوشي کړي نو دا ډله چمتو ده چې له اختر وروسته بین الافغاني خبرې پیل کړي.
په قطر کې د طالبانو د سیاسي دفتر ویاند سهیل شاهین پر خپله ټوېټر پاڼه لیکلي، دوی د پاتې حکومتي بندیانو ازادولو ته چمتو دي، خو په دې شرط چې پاتې طالب بندیان هم خوشي شي.
بللور ته د ملي امنیت شورا ویاند جاوېد فیصل د طالبانو د دې وروستي اعلان په غبرګون کې ویلي، یو شمېر خوشي شوي طالب زندانیان بېرته د جګړې ډګر ته ستانه شوي دي.
وسلهوال طالبان داسې مهال دا اعلان کوي چې په هېواد کې د تاوتریخوالي ډېرېدل او د بندیانو پر موضوع اختلافونه د بین الافغاني خبرو د ځنډ اصلي لاملونه ګڼل کېږي.
خو دواړه لوري د سولې بهیر ته د خنډونو په جوړولو پړه پر یو بل ور اچوي.
دا په داسې حال کې ده چې د دوحې تړون له مخې افغان حکومت پنځه زره او طالبان به د حکومت زر تنه بندیان خوشي کوي او ترهغې وروسته به بین الافغاني خبرې پیلیږي، خو
تر اوسه دواړو لوریو پوره بندیان نه دي خوشي کړي چې له کبله یې د سولې بین الافغاني خبرې هم ځنډېدلې دي
د یادوني وړ ده چې افغان حکومت تر اوسه ۴۴۰۰طالب بندیان او طالبانو نږدې اته سوه بندیان خوشي کړي دي.
کلید ګروپ په ټویټر او فیسبوک کې وګورئ
