اعلامیه زیاتوي چې په پیدا شوو کسانو کې ۲۴ تنه افغانان هم شامل دي چې په غیرقانوني ډول یې ترکیې ته د اوښتلو هڅه کوله.
د سرچینې په وینا، دغه جسدونه د ۱۵۰ متره په اوږدوالي د سیند تل ته لودېدلي وو او په راایستل شوو کسانو کې څو ماشومان هم شامل دي.
د سفارت په اعلامیه کې همدارنګه لیکل شوې چې ترکیه هېواد هوډ لري، څو په نېږدې راتلونکي کې دغه مړي افغانستان ته ولېږدوي او اریانا افغان هوایي شرکت ته سپارښتنه شوې چې د جسدونو په لېږد کې مرسته وکړي.
د یادولو وړ ده چې د روانې چنګاښ میاشتې په لومړیو کې یوه کښتۍ چې ۸۰ تنه پکې سپاره وو، د ترکیې په اوبو کې ډوبه شوه.
تر دې پېښې وروسته د افغانستان د بهرنیو چارو وزارت په همدغه هدف د ترکیې وان ښار ته یو پلاوی هم ولېږه.
تر اوسه معلومه نه ده چې په یاده کښتۍ کې د سپور کسانو له ډلې څومره یې افغانان وو.
کلید ګروپ په ټویټر او فیسبوک کې وګورئ
