د امریکا د ملي امنیت سلاکار رابرت اوبراین جمهور رییس غني سره د خبرو پر مهال افغانستان کې روان تاوتریخوالی د اندېښنې وړ وباله او ټینګار یې وکړ چې ژر تر ژر دې بین الافغاني خبرې پیل شي.
د جمهور رییس ویاند صدیق صدیقي په خپله ټوېټر پاڼه لیکلي چې جمهور رییس محمد اشرف غني او د مصالحې عالي شورا مشر ډاکټر عبدالله عبدالله په ګډه د امریکا د ملي امنیت سلاکار سره د افغان سولې پر وړاندې خنډونو او راتلونکو ننګونو په اړه خبرې وکړې.
په ورته مهال د امریکا د ملي امنیت سلاکرار افغان مشرانو ته ډاډ ورکړ چې هېواد یې د یوه متحد او خپلواک افغانستان څخه ملاتړ کوي.
نوموړي همدارنګه د طالبانو له لوري د تاوتریخوالي پر زیاتېدو اندېښنه وښوده او زیاته یې کړه چې په افغانستان کې د دایمي سولې لپاره د تاوتریخوالي کمېدل لازمي دي، تر څو د افغان حکومت او طالبانو ترمځ مخامخ خبرو ته زمینه برابره شي.
د امریکا او طالبانو ترمنځ لاسلیک شوې هوکړې له مخې افغان حکومت به ۵زره طالب او طالبان به ۱۰۰۰تنه حکومتي بندیان خوشې کوي
کلید ګروپ په ټویټر او فیسبوک کې وګورئ
