ads

صدیقي: طالبان د تاوتریخوالي په ډېرېدو د سولې پروسه ټکنۍ کوي

د جمهوري ریاست ویاند صدیق صدیقي وایي، اوس هغه وخت رارسېدلی چې طالبان له تاوتریخوالي لاس واخلي او په رښتیني ډول د سولې پروسې ته دننه شي.

محمدخان بریال
22 چنګاښ 1399
صدیقي: طالبان د تاوتریخوالي په ډېرېدو د سولې پروسه ټکنۍ کوي
د نوموړي په وینا، پر افغان سرتېرو بریدونه، د سړک غاړې ماین چاودنې، د دولتي کارمندانو په نښه کول او د نورو جرمونو ترسره کول د سولې پروسه له ګواښ سره مخ کوي.
په ورته وخت کې د ملي امنیت شورا سلاکار ډاکتر حمدالله محب هم ویلي، دې ډلې د هېواد په مختلفو سیمو کې تاوتریخوالی ډېر کړی او د حکومت او دوی تر منځ یې د مخامخ خبرو پیلېدو بهیر ځنډولی دی.
هغه څرګنده کړې، په یادو بریدونو کې د ماشومانو، ښځو او ملکي وګړو وژل کېدل نه‌بښونکی عمل دی.
دې شورا تر دې وړاندې هم ویلي، طالبانو په تېره اونۍ کې د هېواد په ۱۶ ولایتونو کې د خپلو بریدونو په پایله کې ۲۳ ملکي وګړي وژلي او ۴۵ نور یې ټپیان کړي دي.
 طالبانو بیا د تاوتریخوالي ډېرېدو په تړاو د افغان حکومت د دغې ادعا په غبرګون کې تبصره نه ده کړې.
کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA