ads

د جمهور رییس غني د ساتونکي جسد په بامیانو کې پیدا شوی

د بامیان ولایت سیمه ییز چارواکي وایي، د عزیز احمد عالمیار په نوم د جمهور رییس د یو تن ساتونکي جسد د شیبر ولسوالۍ په پایموري سیمه کې پیدا شوی.

محمدخان بریال
18 چنګاښ 1399
د جمهور رییس غني د ساتونکي جسد په بامیانو کې پیدا شوی

د دغه ولایت د والي ویاند لطیف عظیمي کلید ته وویل، د عالمیار جسد پرون په یاده سیمه کې پیدا شوی او د کابل عدلي طب ته سپارل شوی دی.
نوموړی څرګندوي، د جمهور رییس دغه ساتونکی خپلې پلرنۍ سیمې شیبر ولسوالۍ ته په مېله تللی و.
تر اوسه د برید انګېزه معلومه نه ده او کومې ډلې هم په دې اړه نظر نه دی څرګند کړی.
یاده دې وي چې تر دې وړاندې هم د جمهور رییس غني ساتونکي د کابل په یو شمېر سیمو کې په نښه شوي دي.

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA