د افغانستان لپاره د دغي ټولنې استازي رونالډ کوبیا په خپله ټوېټر پاڼه د اروپایي ټولنې د بهرنیو چارو د وزیزانو او بهرنۍ تګلارې د مشروانو د ګډې اعلامیې هغه برخه خپره کړې ده چې په کې د طالبانو وروستي بریدونه غندل شوي دي.
په اعلامیه کې لیکل شوي دي، چې د دوحې له تړون وروسته افغانستان کې د تاوتریخوالي ډېرېدل او د طالبانو لخوا بریدونه د منلو نه دي او دا بریدونه یې د تړون خلاف بللي دي، دوی په اعلامیه کې اندېښنه ښودلې ده چې روان تاوتریخوالی بین الافغاني خبرو په اړه لیدلوری کمزوری کولای شي.
دا په داسې حال کې ده چې اروپایي ټولنې له دې وړاندې د مۍ میاشتې په ۲۹مه نېټه د یوې اعلامیې په خپرولو سره د دایمي اوربند غوښتنه کړې وه او له افغانستان سره یې د خپلو مرستو ډاډ ورکړی و.
کلید ګروپ په ټویټر او فیسبوک کې وګورئ
