ads

د تاوتریخوالي کمېدو په تړاو له طالبانو د مصالحې د عالي شورا غوښتنه

د مصالحې د عالي شورا مشر ډاکټر عبدالله عبدالله وایي، چې دا ځل به د سولې خبرې کابل ته محدودې نه وي او د هېواد له ټولو برخو څخه به په کې استازي ګډون ولري.

شمس الرحمن شمس
5 چنګاښ 1399
د تاوتریخوالي کمېدو په تړاو له طالبانو د مصالحې د عالي شورا غوښتنه

اروپا د سولې انسټیوټ د سې شنبې ورځ د افغان سولې راتلونکو هڅو په هدف د ویډیو کنفرانس زمینه برابره کړې وه، چې د برتانیې، جرمني، ناروې، هالنډ او فنلنډ ځانګړو استازو او هم ددغه انسیتیوت رییس په کې برخه اخیستی وه.

په دغه کنفرانس کې د مصالحې عالي شورا مشر وویل، د سولې راتګ لپاره یوه مناسب فرصت رامنځته شوی او طالبان باید د تاوتریخوالي په کمولو سره ددغه بهیر د بریالیتوب لپاره مهم اقدامات ترسره کړي.

عبدالله وویل چې اوس د افغان سولې لپاره په کور دننه یوه ښه اجماع رامنځته شوې ده، سیمه او نړۍ هم د افغانانو د سولې له هڅو ملاتړ کوي.

په ورته مهال د ملي مصالحې د عالي شورا په یوې اعلامیه کې ویل شوي چې په دغه کنفرانس کې ټولو حاضرو استازو د افغان سولې له روانو هڅو ملاتړ څرګند کړ.

جمهور رییس غني او پامپیو د بین الافغاني خبرو پر پیلېدو وغږېدل

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA