ads

پاکستان کې کرونا په یوه ورځ ۱۰۷تنه مړه کړل

د پاکستان روغتیایي چارواکي خبر ورکوي چې په دغه هېواد کې د کرونا د ناروغانو مړینه په ډېریدو ده، چې تېره ورځ هم په یوه ۱۰۷تنه مړه شول.

شمس الرحمن شمس
24 غبرګولی 1399
پاکستان کې کرونا په یوه ورځ ۱۰۷تنه مړه کړل

د پاکستان هېواد لومړي وزیر عمران خان تېره ورځ خپلو خلکو ته په خبرو کې خبرداری ورکړی و، چې په دغه هېواد کې د کرونا ناروغانو تلفاتو ورځ تر بلې مخ په ډېرېدو دي او که خلک روغتیایي سپارښتنې په پام کې ونه نیسي نو په روغتونونو کې به د ناروغانو لپاره ځای خالي نه وي.

عمران خان پر نړیوالې ټولنې غږ کړی چې د کرونا په مخنیوي کې ورسره بشري مرستې وکړي.

د معلوماتو له مخې پاکستان کې د کورونا وېروس پېښې ۱۲۰ زرو ته رسېدونکې دي او هلته د کرونا ناروغۍ څخه د قربانیانو شمېر ۲۴۶۳ تنو ته ورسېد.

ایران کې هم د کرونا ناروغۍ ډېر زور کړی هلته په دې ناروغۍ د اخته کسانو شمېر۱۸۳زره کسانو ته رسېږي او له دې ناروغۍ څخه بیا نېږدې نهه زره وګړي ترې مړه شوي دي.

هند کې بیا پر کرونا د اخته کسانو شمېر  ۲۹۸زره ته رسېږي او هلته له اته زره ډېر کسان له دې وېروس څخه مړه شوي دي.

په ټوله نړۍ کې اوس د دکوویډ – ۱۹ ثبت شویو ناروغانو شمېر اووه اعشاریه ۳میلیونو کسانو ته رسېدلی او ۴۱۶ زره کسان له همدې کبله مړه شوي دي.

نړۍ کې پر کرونا وېروس د اخته کسانو شمېېرله څلور میلیونو څخه اوښتی

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA