ads

عبدالغفور لېوال: په ایران کې د وژل شوو افغانانو جدي څېړنه کېږي

په ایران کې د افغانستان سفارت وایي، دوی په دغه هېواد کې د هغو افغانانو د وژل کېدو او ټپي کېدو پېښه جدي څېړي، چې تېره ورځ د ایراني ځواکونو له خوا لومړی ډزې پرې وشوې او وروسته یې موټر اور واخیست.

محمدخان بریال
غبرګولی 17, 1399
عبدالغفور لېوال: په ایران کې د وژل شوو افغانانو جدي څېړنه کېږي

په ایران کې د افغانستان سفیر عبدالغفور لېوال د خواشینۍ په څرګندولو سره وایي، ټاکل شوې چې دی خپله د ایران یزد ښار ته ولاړ شي او دغه پېښه له نېږدې وڅاري.
د افغانستان د بهرنیو چارو وزارت له لوري په خپره شوې خبرپاڼه کې راغلي چې په یاده پېښه کې درې افغانان وژل شوي او څلور نور ټپیان شوي دي.
د یادولو وړ ده چې تر دې وړاندې هم ایراني سرتیرو هغه ۵۰ افغانان سیند ته وغورځول چې غوښتل یې د مزدورۍ لپاره دغه هېواد ته ولاړ شي.
په هغه پېښه کې تر ۱۸ ډېر افغانان ووژل شول، ځینې یې ورک شول او یو شمېر نور بیا پر دې توانېدلي وو، چې ځانونه وژغوري.
افغان حکومت هم هغه وخت د دې پېښې د جدي څېړلو خبر ورکړی و، خو تر اوسه یې عاملین نه دي نیول شوي او څېړنې یې هم نیمګړې پاتې دي.

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA