ads

افغانستان کې د تاوتریخوالي کمېدو په تړاو د جګړې له ښکېلو خواوو د امریکا غوښتنه

د امریکا د بهرنیو چارو وزیر مایک پمپیو له افغان حکومت او طالبانو څخه غوښتنه کړې چې بین الافغاني خبرو لپاره دې ګډې هڅې پیل کړي او تاوتریخوالی دي راکم کړي.

شمس الرحمن شمس
غبرګولی 1, 1399
افغانستان کې د تاوتریخوالي کمېدو په تړاو د جګړې له ښکېلو خواوو د امریکا غوښتنه

د راپورونو له مخې د امریکا د بهرنیو چارو وزارت افغانستان کې د جګړې له ښکېلو لوریو غوښتنه کړې ده چې، د بین الافغاني خبرو پیل لپاره دې ګډه هڅه او روان تاوتریخوالی دې کم کړي.

د امریکا د بهرنیو چارو وزیر مایک پمپیو د چهارشنبې ورځ په یو کنفرانس کې دا غوښتنه له افغان حکومت او طالبانو څخه کړې ده.

پمپیو همدارنګه د جمهور رییس محمداشرف غني او عبدالله د سیاسي هوکړې لاسلیک کېدل ستایلي او تمه یې ښودلې چې د مصالحې عالي شورا به د افغانانو ترمنځ د سولې خبرو ته زمینه برابره کړي.

پمپیو له دې سربېره له وسله والو طالبانو غوښتي چې تاوتریخوالی دې کم کړي او له افغان حکومت سره دې په ګډه د بین الافغاني خبرو د پیل لپاره هڅه وکړي.

دا په داسې حال کې ده چې دامریکا د بهرنیو چارو وزات خاص اسازی زلمی خلیلزاد کابل کې دی او دلته یې له افغان مشرانو سره د سولې په راتلونکو خبرو او همداشان په اوربند او د تاوتریخوالې کموالي په اړه بحثونه کړې دي.

افغان حکومت له زلمي خلیلزاد غوښتي چې د بنی الافغاني خبرو له پیل وړاندې باید اوربند رامنځته شي، چې خلیلزاد په ځواب کې ورته ویلي چې دا موضوع به له طالبانو سره شریکه کړي.

کابل کې د زلمي خلیلزاد لیدونو او د مایک پمیو  څرګندونو په تړاو وسله والو طالبانو تر اوسه څه نه دي وي، یوازې پرون ددې ډلې مشر په خپل اختریز پیغام کې له امریکا غوښتې و چې د سولې هوکړې ته ژمن پاتې شي.

ملاهبت الله: امریکا دې د سولې په برخه کې هڅې ګړندۍ کړي

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA