د رسنیو د راپورونو له مخې، په امریکا کې د تېرو ۲۴ ساعتونو په ترڅ کې د ۲۰۰۰ نورو کسانو په مړینې سره هلته د کورونا وېروس د قربانیانو شمېر ۴۷ زره او ۶۸۱ تنو ته ورسېد.
د سرچینې په وینا، په متحده ایالاتونو کې پر کورونا د اخته کسانو شمېر ۸۴۹ زره او ۹۲ تنو ته رسېدلی دی.
په ټوله نړۍ کې بیا پر کورونا دوه میلیونه، ۶۳۸زره او ۲۴ تنه اخته شوي او په نړیواله کچه د مړو شمېر له ۱۸۴ زره اوښتی دی.
بلخوا، په پاکستان کې هم د کورونا د مثبتو پېښو شمېر تر ۱۰ زره ډېر شوی دی.
د وروستیو شمېرو له مخې ۱۰ زره ۵۱۳ تنه په دغه هېواد کې په کورونا اخته شوي، ۲۲۴ مړه او ۲۳۳۷ بېرته ترې جوړ شوي دي.
