وسله وال طالبان خبر ورکوي چې له افغان حکومت سره د بندیانو د خلاصون پر موضوع د خبرو لپاره ددوی درې کسیزه پلاوی کابل ته رسېدلی.
ددې ډلې ویاند ذبیح الله مجاهد پر خپله ټوېیټر پاڼه لیکلي، چې دا پلاوی به د بندیانو د خلاصون د جریان څارنه کوي، او په تخنیکي برخه کې به د اړتیا وړ اقدامات ترسره کوي.
تر دې وړاندې طالبانو ویلي وو چې د دوی لس کسیز پلاوی به د نړیوال سره صلیب ادارې په مرسته او منځګړیتوب کابل ته ځي.
خو مجاهد رستنیو ته ویلي، کابل کې د کورونا وېروس له کبله د لګېدلیو محدودیتونو او قرنطین ددې سبب شو چې د دوی پلاوی له پنځلس کسانو لسو ته رکم شي، او اوس بلاخره درې کسان د خبرو لپاره کابل ته راغلي دي.
تر دې وړاندې د افغانستان د ملي امنیت شورا او طالبانو ویلي وو چې دا پلاوی به د سره صلیب نړیوالې ادارې په مرسته او منځګړیتوب کابل ته راځي.
کلید ګروپ په ټویټر او فیسبوک کې وګورئ
