د ملګرو ملتونو سرمنشي انتونیو ګوترېش پر نړیوالو غږ کړی، چې کورونا وېروس په ټوله نړۍ کې په خپرېدو دی، نو اړتیا ده چې په داسې حساس وخت کې د جګړې ټولې غاړې اوربند وکړي.
هغه زیاته کړې، چې د جګړې قربانیان پر کوروناویروس د اخته کېدو له ګواښ سره مخ دي.
د ښاغلي گوتیرېش په وینا، د جګړو له کبله په ښکېلو هېوادونو کې روغتیایي سیستم له منځه تللی او روغتیایي متخصصین هم د ګوتو په شمېر دي، چې په داسې حال کې هغوی هم هره وخت له برید سره مخامخ دي.
د روغتیا د نړیوال سازمان د شمېرو له مخې، دمګړۍ د نړې په ۱۹۰ هېوادونو کې ۳۳۴ زره او ۹۸۱ کسان په کوروناوېروس اخته شوي او ۱۴۲۶۵ کسان ترې مړه شوي دي.
