راپورونه وایي، د امریکا جمهور رییس ډونالډټرمپ تازه د جي اووه غونډه لغوه کړه.
ټاکل شوې وه، دا غونډه په مارچ میاشت کې ترسره شي.
د ټرمپ له خوا دغه تصمیم پر داسې مهال نیول کېږي، چې په نړۍ کې د کرونا وېروس له کبله ډېر شمېر هېوادونو خپلې پولې تړلې او بهرنیو هېوادونو ته یې د خپلو وګړو پر تګ بندیزونه لګولي دي.
د رسنیو په خبره، په پام کې ده، دغه ناسته د ویډیویي کنفرانس له لارې جوړه شي.
دا په داسې حال کې ده چې تېره اونۍ د جي اووه غونډه د ویډیویي کنفرانس له لارې ترسره شوه، چې تر ډېره د کرونا وېروس پر مخنیوي ورټوله وه.
