د غور امنیتي چارواکي خبر ورکوي چې نن سهار په دې ولایت کې د مسافرو پر موټر ځمکني ماین چاودنه کړې ده چې له کبله یې یوولسو کسانو ته مرګ ژوبله اوښتې.
ددې ولایت د والي ویاند عارف عابر کلید راډیو ته وویل، د مسافرو دا موټر له هرات څخه غور ولایت ته پر لاره و چې د سړک غاړې ماین پرې چاودنه وکړه او یوولس کسانو ته یې مرګ ژوبله واړوله.
د عارف په خبره په چاودنه کې د موټر چلوونکی وژل شوی او لس نور یې ټپیان کړي دي چې په ټپیان کې د دوو روغتیایي وضعیت د اندېښنې وړ دی.
عارف ادعا کوي چې ماین د وسله والو مخالفینو له لوري ځای پر ځای شوی و
تر اوسه کومې وسله والې ډلې ددې پېښې په اړه څه نه دي ویلي.
کلید ګروپ په ټویټر او فیسبوک کې وګورئ
