د بلخ د امنیه قومندانۍ چارواکي خبر ورکوي، چې په دغه ولایت کې په یو بایسکل کې د ځای پر ځای شوي ماین په چاودنه کې یو امنیتی سرتیری ووژل شو او د درېیو امنیتي سرتیرو په شمول پنځه تنه ټپیان شوي دي.
د یاد ولایت د پولیسو ویاند عادل شاه عدل کلید ته په خبرو کې وویل، چې یاده چاودنه تېره شپه ۸ بجې او ۳۰ دقیقې د خبریالانو د چوک تر څنګ د اتمې حوزې په مربوطاتو کې رامنځته شوې ده.
د ویلو ده، چې یاده ماین چاودنه د پولیسو د تګ پر مهال رامنځته شوې ده.
تر اوسه د دې پښې پړه کومې وسله والې ډلې نه ده منلې.
کلید ګروپ په ټویټر او فیسبوک کې وګورئ