پاکستانۍ رسنۍ خبر ورکوي، چې په دغه هېواد د کرونا وېروس تازه ۴۱ مثبتې پېښې ثبت شوې، چې له دې سره هلته پر کرونا وېروس د اخته کسانو شمېر ۹۴ تنو ته ورسېد.
بلخوا، پاکستان د کرونا وېروس د مخنیوي په هدف له خپلو ګاونډیو هېوادونو سره خپلې پولې وتړلې.
په یو بل خبر کې ویل شوي، چې د ترکیې روغتیایي چارواکو هلته پر دې ناروغۍ د ۱۲ تنو د اخته کېدو خبر ورکړی.
د دوی د معلوماتو له مخې، اوسمهال په ترکیه کې پر کرونا ناروغۍ د اخته کسانو شمېر ۱۸ تنو ته رسېدلی دی.
