د امريکا جمهور رئيس ډونالډ ټرمپ نن سهار په يوه رسمي دوه ورځني سفر هند ورسېد.
د دغه سفر هدف د نوي ډيلي او واشنګټن ترمنځ د اړيکو پياوړي کېدل ښودل شوي دي.
له ټرمپ سره په ياد سفر کې د ده مېرمن منيلا ټرمپ او لور يې ايوانکا ټرمپ هم ملتيا کوي، چې د دوى د هرکلي لپاره زرګونه هنديان را ټول شوي وو.
د بهرنيو رسنيو د راپورونو له مخې، ټاکل شوې د امريكا جمهور رئيس له هند سره د سوداګرۍ په برخه کې مهمې سوداګريزې هوکړې هم لاسليک کړي.
د يادولو وړ ده، چې دا هند ته د ټرمپ لومړى سفر دى.
