د پکتیکا امنیتي چارواکي څرګندوي، چې د دغه ولایت په برمل ولسوالۍ کې د افغان ګډو ځواکونو په عملیاتو کې درې وسلوالو ته مرګ ژوبله اوښتې او یو تن يي نیول شوی دی.
د امنیه قومندانې ویاند شامحمد ارین د دوشنبې په ورځ کلید ته وویل، ګډو ځواکونو د برمل ولسوالۍ د ملکشي په سیمه کې عملیات ترسره کړي، چې په ترڅ کې يې دوه وسلوال وژل شوي او یو بل ټپی دی.
هغه زیاتوي، چې د عملیاتو پرمهال یو وسله وال ژوندی هم نیول شوی.
وسلوالو طالبانو تر اوسه په دې اړه رسنیو ته څه نه دي ویلي.
