د ننګرهار امنيتي چارواکي د دې ولايت په شېرزادو ولسوالۍ کې د ۱۱ وسله والو طالبانو د وژل کېدو خبر ورکوي.
له ۲۰۱ سېلاب قول اردو څخه په خپره شوې خبرپاڼه کې راغلي، چې ځواکونو يې په تېرو ۲۴ ساعتونو کې په شېرزادو ولسوالۍ کې د تصفيوي عملياتو په مهال ۱۱ طالبان وژلي دي.
سرچينې زياته کړې، چې عمليات كوونكو سرتېرو د مخالفينو يو شمېر وسلې او مهمات ترلاسه كړي هم دي.
وسله والو طالبانو تراوسه په دې اړه څه نه دي ويلي.