په لغمان کې د افغان ځواکونو په هوايي بريد کې ۲۷ وسله وال طالبان وژل شوي دي.
د ملي امنيت صفر دوه قطعې د يوې خبرپاڼې په خپرولو سره ادعا كړې، چې ياد شمېر طالبان تېره ورځ په اليشنګ ولسوالۍ كې د هغوى پر يوې غونډې د افغان ځواكونو د هوايي بريد په ترڅ كې ووژل شول.
وسله والو طالبانو تراوسه په دې اړه څه نه دي ويلي.
دغه طالبان داسې مهال وژل كېږي، چې د لغمان امنيتي چارواکي په دې ولايت کې د دولت ضد وسله والو ډلو په ضد د تصفيوي عملياتو خبر ورکوي.