د ملي دفاع وزارت په فارياب كې ملي اردو ته د ۱۰ وسله والو طالبانو د تسليمېدو خبر وركوي.
د دغه وزارت د خبرپاڼې له مخې، ياد كسان په ګرزيوان ولسوالۍ كې له اوږدو جګړو وروسته اړ شول، چې ځانونه ملي اردو ته وسپاري.
په خبرپاڼه كې راغلي، تسليم شوو كسانو، چې كلونه كلونه د حكومت خلاف جنګېدلي، خپلې وسلې پر ځمكه كېښودې او ژمنه يې وكړه، چې بيا به تروريستي فعاليتونه نه كوي.
دا په داسې حال كې ده، چې په دې وروستيو كې په هرات او غور ولايتونو كې هم ۴۱۰ طالبان افغان ځواكونو ته تسليم شوي دي.