د غزني امنیتي چارواکي په یاد ولایت کې د یوې بهرنۍ مسافر وړونکې الوتکې د لوېدو خبر ورکوي.
د غزني د والي ویاند عارف نوري کلید ته وویل، دغه الوتکه نن له غرمې وروسته یوه بجه او لس دقیقې د یاد ولایت د دیک ولسوالۍ په صدو خېل کلي کې نسکوره شوې ده.
د نوموړي په خبره، تر اوسه په دې پېښه کې د دو پیلوټانو جسدونه تر لاسه شوي او د لوتکې په ګډون نوره ټوله سپرلۍ سوزېدلې ده.
دی زیاتوي، چې په الوتکه کې د ناستو کسانو هویت هم معلوم نه دی.
تر دې وړاندې ویل شوي و، چې دغه الوتکه د اریانا هوایي شرکت ده، خو دغه شرکت دا مسله رد کړه.