د افغانستان د کرکټ د ۱۹ کلنو ملي لوبډله نن د ۲۰۲۰ میلادي کال د ۱۹ کلنو د کرکټ په نړیوال جام لوبو کې له سویلي افریقا سره مخ کېږي.
په پام کې ده، چې یادې لوبې په نړیوالو سپورتي چینلونو هم وښودلې شي.
د ۱۹ کلنو د لوبډلې روزونکي رییس احمدزي وویل، چې لوبډله یې د لوبو لپاره بشپړ چمتوالی لري.
بلخوا، د لوبډلې کپتان فرهان زاخېل هم دغو سیالیو ته د لوبډلې د بشپړ چمتوالی خبر ورکړی دی.
د یادولو وړ ده، چې دغه لوبې د نن ورځې په ۱۲ بجې پیلېږي.
په دغه نړیوال جام کې ۱۶ لوبډلې له یو بل سره سیالي کوي او ټولټال به ۴۸ لوبې کېږي.