د ترکیې د پارلمان رییس مصطفی شنتاب اعلان وکړ، چې هېواد یې د فتح الله ګولن له خوځښت سره د مبارزې د کمپاین په ترڅ کې د پوځ له لیکو ۳۰ زره سرتیري ایستلي دي.
د نوموړي په وینا، د همدې مسلې په تړاو له ۱۸۶۶ کسانو پیل شوې څېړنې روانې دي.
ده ټینګار وکړ، چې د ترکي ځواکونه نه یوازې د دغه هېواد امنیت ته پام کوي، بلکې په ۷۶ هېوادونو کې د دوی سرتیري د امنیت په خوندیتوب کې مهم رول لري.
په ۲۰۱۶ میلادي کال کې د ترکیې ځینو پوځیانو هڅه وکړه، چې د کودتا له لارې د رجب طیب اردوغان دولت ړنګ کړي او واک په لاس کې ونیسي، خو په خپله هڅه کې ناکام شول.
په هغه کوداتا کې شاوخوا ۲۴۰ کسان ووژل شول.
