امريکايي رسنيو راپور ورکړى، چې د دغه هېواد په ويرجينيا ايالت کې د لسګونو وړو موټرونو د ټکر په پېښه کې پنځه کسان ووژل شول او ۵۱ نور ټپيان شول.
د سرچينې په وينا، په دې پېښه کې ټول ژوبل شوي کسان د درملنې په هدف روغتون ته وړل شوي دي.
تراوسه د ټکر علت معلوم نه دى او په اړه يې د پوليسو څېړنې روانې دي.
د امريکا په ګډون په ډېرى هغو هېوادونو کې، چې هلته ګڼه ګوڼه ډېره ده، وخت ناوخت دا ډول پېښې رامنځته کېږي او ملکي وګړو ته په کې مرګ ژوبله اوړي.
