ads

په ننګرهار کې ښځینه فعالانو د دغه ولایت د امنیت جنازه پورته کړه

د ننګرهار یو شمېر ښځینه فعالانو نن دوشنبه د روان لاریون پرمهال د دغه ولایت د امنیت جنازه پورته کړه. ښځینه فعالین له ځانه سره د ننګرهار د نا امنۍ په اړه لیکل شوي شعارونه لیږدوي، چې پکې ویل شوي، موږ نور د ننګرهار دا نا امنه حالت نه شو زغملای. د دې اعتراض مشره […]

نویسنده: Mohammad Khan barial
18 لیندۍ 1398
په ننګرهار کې ښځینه فعالانو د دغه ولایت د امنیت جنازه پورته کړه

د ننګرهار یو شمېر ښځینه فعالانو نن دوشنبه د روان لاریون پرمهال د دغه ولایت د امنیت جنازه پورته کړه.
ښځینه فعالین له ځانه سره د ننګرهار د نا امنۍ په اړه لیکل شوي شعارونه لیږدوي، چې پکې ویل شوي، موږ نور د ننګرهار دا نا امنه حالت نه شو زغملای.
د دې اعتراض مشره مقدسه احمدزۍ وایي، په جلال اباد ښار کې هدفي وژنې ډېرې شوې او دې وضعیت دوی ډېر اندېښمن کړي دي.
د هغې په خبره، په یاد ولایت کې هېڅوک په امن کې نه دي او که وضعیت دا دول روان وي ښايي، ډېری خلک د دولت پر ضد راپورته شي.
احمدزۍ زیاته کړه، چې ولایتي او امنیتي ادارې په ننګرهار ولایت کې د امنیت په کنترول کې پاتې راغلي دي.
لایبه هم د روان لاریون ګډونواله ده. نوموړې وایي، په ننګرهار کې وروستۍ نا امنۍ سخته اندېښمنه کړې او زیاتوي، چې که امنیتي چارواکي د امنیت په کابو کولو نه توانېږي، نو دنده دې پرېږدي.
بل لورته د لاریون نورې ګډوانوالې بیا وايي، په دغه ولایت کې وروستیو نا امنیو مېرمنې له رواني فشار سره مخ کړې دي.
دوی څرګندوي، چې د کور د نارینه وو له وتو سره د دوی اندېښنې پیلېږي، ځکه د دوی د نارینه وو بیرته راتګ یې نا امنیو ته په کتو یو خیال دی.
دا مېرمنې د ننګرهار د امنیت جنازه داسې مهال پورته کوي، چې تېره چهارشنبه په جلال اباد ښار کې ولایت ته نېږدې د جاپانۍ موسیسې مشر ډاکتر تیتسو ناکامورا نا پېژاندو وسله والو په یوه برید کې لومړی ټپي کړ او وروسته یې د ټپونو له امله ساه ورکړه.
له ناکاموره سره دهغه موټر چلوونکی او ۴ ساتونکي هم ووژل شول.
ښځینه فعالانې د خپل لاریون په لیکل شوو شعارونو کې د ډاکتر تیتسو ناکامورا انځورونه هم لېږدوي.
امنیتي مسولین بیا په یاد ولایت کې د امنیتي وضعیت د کنټرول خبره کوي.
امنیه قومندان ایمل نیازي په یوه خبره ناسته کې وویل، چې په دې وروستیو کې د بېلابېلو پېښو په تور ۹۹ تنه نیولي او د نورو د نیولو هڅې روانې دي.
خو لاریونوالې میرمنې دا کافي نه بولي او وایي امنیتي چارواکي دې نور په نمایشي کارونو دوی نه غولوي.

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA