داعش ترهګرې ډلې په يوه بيانيه کې منلې، چې د جمعې په ورځ په لندن ښار کې د چاقو په وسيله پر خلکو بريد د دوى كس كړى دى.
وړمه ورځ د عثمان خان په نوم يوه ۲۸ كلن سړي، په داسې حال كې چې تقلبي ځانمرګى واسكټ يې پر تن و، د چاقو په وسيله پر عامو وګړو بريد وكړ.
د بريتانوي پوليسو د معلوماتو پر بنسټ، بريد كوونكى وروسته له هغه، چې دوه تنه يې ووژل او درې نور يې ټپيان كړل، د امنيتي ځواكونو په ډزو ووژل شو.
د راپورونو له مخې، عثمان خان په ۲۰۱۲ ميلادي کال کې هم په لندن ښار کې د يوه ترهګريز بريد په تړاو ونيول او تېر كال له بنده ازاد شو.
نوموړى يو سلفي مبلغ و، چې ديني زده کړې يې په سعودي عربستان کې كړې وې.
