راپورونه وایي، د کانګو په ډیموکراټیک جمهوریت کې د سختو سېلابونو او ځمکې ښویدو په پېښه کې ۳۹ کسان وژل شوي او ځینې نور لادرکه دي.
عیني شاهدانو ویلي، چې د ځمکې ښویدو له کبله یو شمېر کورنه او د پوهنتون شاوخوا ځایونه تخریب شوي دي.
د یاد هېواد امنیتي چارواکو وایي، په دغه پېښه کې د وژل شوو کسانو د جسدونو د موندلو لپاره د دوی هڅې روانې دي او د ټپي شوو کسانو د درملنې لپاره هم لازم امکانات برابر شوي دي.
د کانګو جمهوریت ۱۲ میلیونه نفوس لري، چې وخت ناوخته د طبیعي پېښو قرباني کېږي.
