سلګونه اسراييليان د يوه لاريون په ترڅ كې د خپل لومړي وزير بنيامين نتنياهو د ګوښه كېدو غوښتونكي شول.
لاريون كوونكو د نتنياهو په مشرۍ دولت په مالي فساد تورن كړ.
عربي رسنۍ وايي، سلګونه کسان واټونو ته را ووتل او د خپل لومړي وزير په ضد يې شعارونه وركړل.
دا په داسې حال کې ده ،چې د اسراييل لويې څارنوالۍ د تېرې پنجشنبې په ورځ په رسمي ډول نتنياهو په مالي فساد، درغلۍ او له خپلې چوکۍ په ناسمې ګټې اخيستې تورن کړ.
تراوسه د اسراييل دولت په دې تړاو غبرګون نه دى ښودلى.
