د ننګرهار د اچين ولسوالۍ په تختو سيمه کې د داعش ډلې څلور غړي له ۱۳ مېرمنو، ۲۲ ماشومانو او څلور ميله وسلو سره يوځای امنيتي ځواکونو ته تسليم شول.
د ۲۰۱ سېلاب قول اردو د منسوبينو د معلوماتو له مخې، داعش وسله وال په ياده ولسوالۍ کې سخت ځپل شوي او اړ دي، چې هره ورځ ډلې – ډلې افغان ځواكونو ته تسليم شي.
مسوولين وايي، په اچين لسوالۍ كې به پوځي عمليات تر هغې دوام ولري، ترڅو دا ولسوالي له داعش وسله والو په بشپړ ډول پاکه شي.
داعش ډلې تراوسه په دې اړه څه نه دي ويلي.
د يادونې وړ ده، چې مخكې هم د ننګرهار په اچين ولسوالۍ كې لسګونه داعشيان امنيتي سرتېرو ته تسليم شوي وو.
