په عراق كې د لاريون كوونكو او امنيتي ځواكونو ترمنځ په پرونيو نښتو كې درې نور كسان وژل شوي او ځينې نور ټپيان شوي دي.
د راپورونو له مخې، عراقي ځواكونو پر لاريون كوونكو اوښكې بهوونكى ګاز كارولى دى.
لاريونونه د تېرې اكټوبر مياشتې په لومړۍ نېټه په بغداد كې پيل شول او لاريون كوونكو د بې كارۍ، اداري فساد او د ټولنيزو خدمتونو د نه شتون په ضد پر اعتراضونو لاس پورې كړ.
له هغه وخته تر دا مهاله د عراق په لاريونونو كې له ۲۸۰ زيات كسان وژل شوي او زرګونه نور ژوبل شوي دي.
لاريونونو په چټكتيا د عراق جنوبي ولايتونو ته سرايت كړى دى.
ډېرى لاريون كوونكي محصلين دي او غواړي، چې د عراق سياسي نظام بدلون وكړي او اداري فساد ته د پاى ټكى كېښودل شي.