slideshow

۱۸ لړم ۱۳۹۸
لیکونکی: ذكريا ذكي

بهرنيو ځواکونو د ملکي افغانانو درې موټرونه سوځولي او دوه تنه يې ټپيان كړي


بهرنيو ځواکونو د کابل – جلال اباد پر لويه لار د ملکي افغانانو درې موټرونه وسوځول او دوه تنه يې ټپيان كړل.
د پېښې عيني شاهدان وايي، بهرنيو ځواکونو د ملكيانو پر موټرونو اور اچوونكي توكي غورځولي او د هغوى درې موټرونه يې سوځولي دي.
د لغمان ولايتي چارواکي هم ياده پېښه تاييدوي او زياتوي، په دې پېښه کې دوه ملکي وګړي ټپيان شوي دي.
د دغه ولايت د والي وياند اسدالله دولتزي ويلي، چې بهرنيو ځواکونو تېر ماښام شاوخوا شپږ بجې د کابل – جلال اباد پر لويه لار د عزيز خان کڅ په سيمه کې هغه مهال پر دوو ملکي موټرونو اور غورځوونکې مرمۍ وويشتلې، چې د هغوى د موټريز کاروان اشارو ته ونه درېدل.
بهرنيو ځواکونو تراوسه په دې اړه څه نه دي ويلي.

 

شریکول
ایمیل *
نوم *
ستاسو څرګندونې *