امنيتي ځواكونو په بغلان كې ۲۵ كيلو ګرامه هېرويين كشف او ترلاسه كړي دي.
د دغه ولايت د امنيه قوماندانۍ وياند جاوېد بشارت كليد ته وويل، دا اندازه نشه يي توكي، چې په يوه پيكپ ډوله موټر كې په ماهرانه توګه ځاى پر ځاى شوي وو او له كندوزه كابل ته لېږدول كېدل، تېر ماښام د يادې قوماندانۍ له نشه يي توكو سره د مبارزې د مديريت كاركوونكو په شمالي دروازه كې كشف او ترلاسه كړل.
د هغه په وينا، په دې تړاو يو كس نيول شوى او څېړنې ترې روانې دي.
د يادونې وړ ده، چې نشه يي توكي په افغانستان كې په يوې سترې ستونزې بدل شوي او ټول لوري يې په مخنيوي كې پاتې راغلي دي.
کلید ګروپ په ټویټر او فیسبوک کې وګورئ
