slideshow

۱۷ لړم ۱۳۹۸
لیکونکی: محمد شفيق هېوادپال

په كاپيسا كې درېيو ملكي وګړو ته مرګ ژوبله واوښته


په كاپيسا كې نن سهار شاوخوا نهه بجې د هاوان مرمۍ چاودنې درېيو ملكي وګړو ته مرګ ژوبله واړوله.
د دې ولايت د امنيه قوماندانۍ وياند عبدالشايق شورش كليد ته وويل، په نجراب ولسوالۍ كې يوه بزګر په خپل پټي كې د هاوان مرمۍ موندلې، چې وروسته د څو كسانو له خوا د هغې د خلاصولو په مهال يې چاودنه كړې ده.
د نوموړي په خبره، په ياده پېښه كې يو ملكي وګړى وژل شوى او دوه تنه نور ژوبل دي.
كه څه هم شورش وايي، چې د هاوان دغه مرمۍ د وسله والو طالبانو له لوري ځاى پر ځاى شوې وه، خو دوى تر دا مهاله په دې اړه خپل نظر نه دى څرګند كړى.

 

شریکول
ایمیل *
نوم *
ستاسو څرګندونې *