د ننګرهار ولايتي چارواکي وايي، د دغه ولايت د مركز جلال اباد ښار د څلورمې ناحيې په مربوطاتو كې د ملي امنيت د صفر دوه قطعې ځواکونو د موټرونو پر كاروان ځانمرګي بريد ۲۶ تنو ته مرګ ژوبله اړولې ده.
د ننګرهار د والي وياند عطاء الله خوږياڼي کليد ته وويل، دا بريد نن ماسپښين شاوخوا دوه بجې شوی، چې له كبله يې د يادې قطعې درې سرتېري وژل شوي او شپږ تنه نور ټپيان دي.
د خوږياڼي په وينا، په دې پېښه كې دوه ملكي وګړي هم وژل شوي او ۱۵ تنه نور ژوبل دي.
د دغه ځانمرګي بريد مسووليت وسله والو طالبانو منلى دى.
