د ننګرهار په پچيراګام ولسوالۍ کې د خوړو د نړيوال پروګرام له لوري له ۶۰۰ بېوزلو کورنيو سره د خوراکي توکو مرسته وشوه.
د پچيراګام ولسوال حضرت خان خاکسار وايي، هرې کورنۍ ته يوه بوجۍ اوړه، ککو، چاکلېټ، يو من دال، پنځه لېټره غوړي او نور خوراكي توکي ورکړل شول.
د ده په وينا، هلته به له پاتې بېوزلو كورنيو سره هم دا ډول مرسته وشي.
بايد وويل شي، چې دمګړۍ تر نيمايي ډېر افغانان د بېوزلۍ تر كرښې لاندې ژوند كوي.
