ټاكل شوې نن په مسكو كې د روسيې، چين، پاكستان او امريكا د استازو ترمنځ د افغانستان په اړه غونډه وشي.
د راپورونو له مخې، د غونډې ګډونوال به په افغانستان كې د روانې جګړې پر پاى ته رسېدو او د سولې پر راتګ وغږېږي.
د امريکا ټايمز ورځپاڼې ويلي، موندنې يې ښيي، چې چين د سولې د بين الافغاني خبرو کوربه توب غواړي او په همدې تړاو به خپله طرحه د مسکو په غونډه كې وړاندې کړي.
په ياده غونډه كې به د افغانستان د سولې لپاره د امريكا د بهرنيو چارو وزارت ځانګړى استازى زلمى خليلزاد هم ګډون ولري.
نوموړي په روانه اونۍكې بلجيم او فرانسې ته هم سفر درلود او هلته يې پر افغان سولې بحثونه وكړل.
