ads

په غزني كې یو جهادي قومندان ووژل شو

وسله والو طالبانو د غزني په جغتو ولسوالۍ كې د جعفري په نوم يو جهادي قوماندان وواژه. د دغه ولايت د والي وياند محمد عارف نوري كليد ته وويل، دې شخص په تېرو دوو لسيزو كې هېڅ ډول دولتي فعاليت نه درلود او طالبانو تېره شپه شاوخوا اته بجې له كوره ايستلى او وژلى يې […]

نویسنده: Mohammad Khan barial
تله 29, 1398
په غزني كې یو جهادي قومندان ووژل شو

وسله والو طالبانو د غزني په جغتو ولسوالۍ كې د جعفري په نوم يو جهادي قوماندان وواژه.
د دغه ولايت د والي وياند محمد عارف نوري كليد ته وويل، دې شخص په تېرو دوو لسيزو كې هېڅ ډول دولتي فعاليت نه درلود او طالبانو تېره شپه شاوخوا اته بجې له كوره ايستلى او وژلى يې دى.
د يو بل خبر له مخې، نوري وايي، په ګيرو ولسوالۍ كې د افغان ځانګړو ځواكونو په عملياتو كې پنځه طالبان وژل شوي دي.
د هغه په خبره، د يادو عملياتو په ترڅ كې د طالبانو درې موټر سايكلونه او يوه اندازه وسلې او مهمات هم له منځه تللي دي.
خو وسله وال طالبان ادعا كوي، چې افغان او امريكايي ځواكونو په ګيرو ولسوالۍ كې د ګډو عملياتو په مهال دوه ملكي وګړي وژلي دي.

 

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA