د ننګرهار په اچين او لعلپورې ولسواليو كې ۱۳ داعش او طالب وسله وال وژل شوي دي.
د دې ولايت د امنيه قوماندانۍ وياند مبارز اتل کليد ته وويل، افغان ګډو ځواكونو په اچين ولسوالۍ كې د روانو عملياتو په تېرو ۲۴ ساعتونو كې ۱۰ داعش وسله وال وژلي او د هغوى درې قرارګاوې، دوه تونلونه او يو پټنځاى يې هم له منځه وړي دي.
اتل زياته كړه، د لعلپورې ولسوالۍ په صدې سيمه كې تېره شپه د ولسي پاڅون کوونکو او وسله والو طالبانو ترمنځ نښته شوې، چې په ترڅ كې يې درې طالبان وژل شوي دي.
داعش او طالب وسله والو تراوسه په دې اړه څه نه دي ويلي.
