افغان ځانګړو ځواكونو د ننګرهار په بټي كوټ ولسوالۍ كې د عملياتو په مهال د ابراهيم په نوم د داعش ډلې يو مهم غړى نيولى دى.
د ياد ولايت د امنيه قوماندانۍ وياند مبارز اتل کليد ته وويل، ابراهيم په جلال اباد ښار كې په يو شمېر چاودنو او نورو ترهګريزو پېښو کې لاس درلود.
د اتل په خبره، امنيتي سرتېرو له نيول شوي داعشي څخه يوه اندازه مهمات هم ترلاسه کړي دي.
داعش ډلې تراوسه په دې اړه څه نه دي ويلي.