د مصر حکومت هغه ۲۰۰ نیول شوي لاریون کوونکي خوشي کړل، چې د سپټمبر پر ۲۰مه د مصري ځواکونو له لوري نیول وو.
پر دغو نیولو شوو کسانو تور لګېدلی و چې له اخوان المسملین سره اړیکې لري او د هېواد امنیت ته ګواښ پېښوي.
په ورته وخت کې د قاهرې لویې څارنوالۍ ویلي چې دوې ورځې وروسته به د ورته لاریونو په تور د یو شمېر نورو کسانو د نیول کېدو عملیات هم پیل شي.
دا په داسې حال کې ده چې د سپټمبر میاشتې پر شلمه په مصر کې د واکمن نظام پر وړاندې پراخه لاریونونه وشول او د السیسي د ګوښه کېدو غوښتنه یې کوله.
