د شپږیزې کرکټ لیګ په درېیمه سیالۍ کې پرون د امو نهنګانو او سپین غر زمریانو تر منځ لوبه وشوه، چې امو نهنګانو سپین غز زمریانو لوبډلې ته په ۱۸ منډو ماتې ورکړه.
د لوبې پچه امو نهنګانو لوبډلې وګټله او لومړی یې د توپوهنې پرېکړه وکړه.
د امو نهنګانو لوبډلې په ټاکلو ۲۰ اورونو کې د اوو لوبغاړو په سوزېدو سره ۱۶۲ منډې وکړې، خو د سپین غر زمریانو لوبډلې د ټولو لوبغاړو په سوزېدو یوازې ۱۴۴ منډې وکړې او لوبه یې د ۱۸ منډو په توپیر وبایلله.
د امو نهنګانو په لوبډله کې فضل ځاځي تر ټولو ډېرې یعنې ۴۹ منډې وکړې او په ترتیب سره عثمان غني ۳۳ او رحمت شاه او ابراهیم ځدران ۲۵ ـ۲۵ منډې ترسره کړې.
د پرونۍ لوبې د غوره لوبغاړي جایزه فضل ځاي ترلاسه کړه، چې په توپوهنه کې یې ۴۹ منډې وکړې.
د یادولو وړ ده چې نن سهار د بند امیر ښامارانو او میس عینګ لوبډلو تر منځ لوبه روانه ده او ماسپښین مهال به د کابل بازانو او سپین غر زمریانو لوبډلو تر منځ لوبه وشي.
