د ملي دفاع وزارت اعلان كړى، چې د تخار خواجه غار او بهارك ولسوالۍ په بشپړه توګه د وسله والو طالبانو له شتونه پاكې شوې دي.
دې وزارت تېره شپه د دوو خبرپاڼو په خپرولو سره ويلي، چې د هوايي ځواك په ملاتړ د هېواد د امنيتي او دفاعي سرتېرو ګډ تصفيوي عمليات له تېرو څو ورځو راهيسې په يادو ولسواليو كې روان وو.
د سرچينې په وينا، په بهارك ولسوالۍ كې د عملياتو په مهال ۸۹ طالبان وژل شوي او ۶۷ تنه نور ژوبل دي.
د ملي دفاع وزارت زياته كړې، چې عمليات كوونكو ځواكونو د تخار په خواجه غار او بهارك ولسواليو كې د طالبانو يوه اندازه سپكې او درنې وسلې، ډېر مهمات او څو نقليه وسايط هم ترلاسه كړي دي.
وسله والو طالبانو تراوسه په دې تړاو څه نه دي ويلي.
