د ترکیې امنیتي چارواکي خبر ورکوي چې نن سهار په یاد هېواد کې د پولیسو پر یو بس موټر د کوزان سیمې ته د تګ پر مهال چاودنه شوې او یو شمېر پولیس پکې ټپیان شوي دي.
امنیتي مسولین څرګندوي چې سیمې ته یې ځواکونه رسېدلي او د دغې پېښې په اړه یې پلټنې پیل کړې دي.
په یاده پېښه کې پولیسو ته مرګ ژوبله اوښتې، خو کره شمېر یې تر اوسه معلوم نه دی.
د راپورنو له مخې، دا چاودنه دومره زوروره وه چې پر ځاني زیانونو سربېره یې مالي زیانونه هم اړولي دي.
تر اوسه چا د دغې پېښې پړه چا پر غاړه نه ده اخیستې.
